नेपाली शेयर न्यूज । तारागाउँ रिजेन्सी होटलले गत आर्थिक वर्षको नाफाबाट आफ्ना शेयरधनीलाई ५ प्रतिशत नगद लाभांश वितरण गर्ने घोषणा गरेको छ। कम्पनीले कर बाहेक उक्त लाभांश दिने निर्णय गरेको हो। मंसिर २२ गते बसेको सञ्चालक समितिको बैठकले सो दरमा नगद लाभांश वितरण गर्ने प्रस्ताव पारित गरेको हो।

प्रस्तावित लाभांश आगामी वार्षिक साधारण सभाबाट अनुमोदन भएपछि मात्र शेयरधनीलाई वितरण गरिने कम्पनीले जनाएको छ। लाभांश घोषणासँगै होटलको सेयरप्रति बजारको ध्यान आकृष्ट हुने अपेक्षा गरिएको छ।