नेपाली शेयर न्यूज । धितोपत्रमा गरिने लगानी पूर्ण जोखिममुक्त हुँदैन । साधारण शेयरमा गरिने लगानीलाई अन्य धितोपत्रमा गरिने लगानी भन्दा बढी जोखिमपूर्ण मानिन्छ । डिबेन्चरको हकमा तोकिएको समय र दरमा ब्याज तथा साँवा भुक्तानी गर्ने शर्त रहने हुंदा यसलाई सेयर भन्दा कम जोखिमपूर्ण मानिन्छ ।
यस्तै सरकारी धितोपत्रमा तोकिएको समय र तोकिएको दरमा ब्याज प्रदान गरिने र तोकिएको अवधिमा साँवा भुक्तानी समेत निश्चित हुने हुँदा यस्तो धितोपत्रलाई न्युन जोखिमयुक्त धितोपत्रको रुपमा लिइन्छ ।
धितोपत्रमा गरिएको लगानीमा नाफा वा घाटा जे भए पनि सो आफैले व्यहोर्नुपर्ने तथा यसमा लगानी गर्दा घाटा भएमा सोको क्षतिपूर्ति दिने व्यवस्था हुंदैन । यसमा गरिएको लगानी स्वेच्छिक हुनाले नाफा घाटाको भागीदार लगानीकर्ता स्वंयले व्यहोर्नु पर्ने हुन्छ अन्य कुनै पक्ष वा निकायले सोको परिपूर्ति गर्ने व्यवस्था हुँदैन ।
