नेपाली शेयर न्यूज । एलआइसी नेपालले आर्थिक वर्ष २०८१/८२ का लागि शेयरधनीलाई नगद लाभांश घोषणा गरेको छ। कम्पनीको पुस ६ गते बसेको सञ्चालक समितिको बैठकले उक्त आर्थिक वर्षको मुनाफाबाट लाभांश वितरण गर्ने निर्णय गरेको हो।
निर्णयअनुसार कम्पनीले हाल कायम चुक्तापुँजीको २१.०५ प्रतिशत नगद लाभांश शेयरधनीलाई वितरण गर्नेछ। उक्त लाभांश नेपाल बीमा प्राधिकरणको स्वीकृति तथा कम्पनीको आगामी वार्षिक साधारणसभाबाट अनुमोदन भएपछि मात्र शेयरधनीमा वितरण गरिने कम्पनीले जनाएको छ। घोषित लाभांशपछि एलआइसी नेपाल उच्च नगद लाभांश दिने बीमा कम्पनीको सूचीमा पुनः अग्रस्थानमा देखिएको छ।
