नेपाली शेयर न्यूज । ऋण असुलीका लागि बैंकका कर्मचारीलाई मोसो दल्ने र कुटपिट गर्ने घटनामा सप्तकोशी नगरपालिकाकी उपमेयर रीताकुमारी चौधरीसहित पाँचजना फरार छन्। पक्राउ परेका दुईजनामा उपमेयरका पतिसमेत रहेका सेयरधनी सञ्जीवकुमार चौधरी र उमाकान्त चौधरी रहेका छन्।
ज्योति विकास बैंकका कर्मचारीमाथि बुधबार घेराबन्दी गर्दै जुत्ता लगाउने, गालीगलौज गर्ने र लठ्ठीले कुटपिट गर्ने भिडियो सार्वजनिक भएको थियो। बैंकले उपमेयरसहित सातजनाविरुद्ध अपहरण, कुटपिट र लुटपाटसम्बन्धी जाहेरी दिएको छ।
घटना सम्बन्धित कम्पनीले बैंकबाट लिएको चार करोड ५० लाख रुपैयाँ ऋणको किस्ता नतिरेपछि सुरु भएको हो। फरारको खोजी भइरहेको प्रहरीले जनाएको छ।
