Nepali Share News
गोर्खाज फाइनान्स लिमिटेडले आफ्ना विद्यमान संस्थापक सेयरधनीहरूलाई लक्षित गर्दै १२ हजार ३७ कित्ता संस्थापक सेयर बिक्री खुला गरेको छ।
कम्पनीका अनुसार, हालका संस्थापक सेयरधनी पिर्थी माया राईको स्वामित्वमा रहेको ७ हजार ३७ कित्ता र वीर बहादुर मगरको नाममा रहेको ५ हजार कित्ता गरी कुल १२ हजार ३७ कित्ता सेयर बिक्री गर्न लागिएको हो। यो सेयर खरिदमा पहिलो प्राथमिकता हाल कायम रहेका संस्थापक सेयरधनीहरूलाई नै दिइएको छ।
यी सेयरहरू खरिद गर्न चाहने इच्छुक संस्थापक सेयरधनीहरूले आगामी ३५ दिनभित्र काठमाडौंको डिल्लीबजार (चारखालरोड) स्थित फाइनान्सको केन्द्रीय कार्यालयमा पुगेर लिखित निवेदन दिनुपर्ने व्यवस्था गरिएको छ।
यदि तोकिएको ३५ दिनको अवधिमा संस्थापक सेयरधनीहरूबाट खरिदका लागि कुनै पनि निवेदन नआएको खण्डमा भने, उक्त सेयर सर्वसाधारणका लागि बिक्री खुला गर्ने प्रक्रिया अगाडि बढाइने कम्पनीले जनाएको छ।
